أزاي تخطط رحلتك

أزاي تخطط رحلتك

اول حاجه اخترتها ليكم النهارده هي ازاي تخطط لرحلتك, ناس كتير مننا بتروح اي بلد بس بتبقي مش عارفه تروح فين او ازاي او الاسعار ايه, او بتاخد وقت كتير في التخطيط للاماكن اللى هتزورها,
النهارده جايبلكم برنامج مهم جدا هيسهل ليكم الموضوع دة, البرنامج دة اسمه

Visit A City

البرنامج دة تقدر تحمله من على ال اب ستور او جوجل بلاي, والبرنامج دة مفيد جدا بحيث تقدر تختار عدد الايام اللى هتقضيها في المدينه وتختار نوع الاماكن اللى انت عايز تزورها وهو بيقولك الاماكن وبيقسمها على عدد الايام وبيقولك معلومات عنها وازاي تروح وامتي تروح وتمش امتي بحيث ان وقتك يكفي المدة اللى انت رايحها

دي وجهه البرنامج تقدر عن طريقها تختار البلد اللى انت عايز تروحها او عن طريق ايقونه البحث على الشمال تكتب اسم المدينه اللى انت رايحها وافتراضا احنا اخترنا روما

  

هنا عندي بيديني اختيارات زي

1.اختار عدد الايام واشوف البرنامج اللى يناسبني

2.الحاجات اللى ممكن تعملها في المدينه

3.الاماكن الللى ممكن تزورها في البلد ومعلومات عنها زي "اوقات العمل – مكانها على الخريطه – العنوان – رسوم الدخول لو المكان ليه رسوم – دليل ل ازاي تروح من مكانك الحالي"

4.خريطه المدينه بمكان تواجد الاماكن السياحيه

5.خططك

6.نصايح

واخيرا تقدر تحمل الجايد دة عشان تشتغل البرنامج اوفلاين

هنا دخلنا على اول حاجه وهي اننا نحدد عدد الايام اللى هنقضيها في البلد وفلنفرض ان اخترنا 3 ايام

هتلاقي البرنامج مقسم الي اجزاء وكل واحد يقدر يختار الاجازه اللى هو عايزها وهنا عندي

Top Attractions – Shopping and top Attraction – Easy Going Plan – Family – Packed

طيب مثلا هنختار اهم الاماكن اللى ممكن تزورها اللى هي ال  

Top Attractions

هتلاقي الشكل اللى عندك دة وفيه تقسيمه للايام تقدر تختار اليوم اللى بعدة من السهم على اليمين او تفضل مكان معين عن طريق القلب اللى على الشمال وهتلاقي تفاصيل عن المكان وامتي تروح وتقضي وقت قد ايه والكلام دة كله

وبكدة يكون الموضوع انتهي واتمنالك رحله سعيدة,
تابعوني في موضوع جديد ومعلومات جديدة